Nanawagan karon ang Commission on Election kon COMELEC ngadto sa mga bontante nga karon pa lamang daan susihon na ang ilang mga pangalan kung na-apil ba sa masterlist.
Sa interview sa RMN Malaybalay ngadto kang Atty. Chubasco CaiƱa, ang city election officer gibutyag niini nga kini aron malikayan nga magreklamo sa adlaw sa eleksiyon nga nawala ang ilang pangalan.
Matud ni CaiƱa nga ila usab nga gipaskil sa gawas sa ilang buhatan maong walay rason nga dili masusi sa mga botante aron masigurado kung apil ba sila sa makabotar karong barangay ug sangguniang kabataan eleksisyon sa Mayo 14.
Samtang alayon sa padayon karon nga pagduso sa certificate of candidacy, hugot nga gibantayan sa Comelec ang mga last termer nga mga barangay officials.
Sa interview sa RMN nagdto kang Atty. Stalin Baguio, ang provincial election supervisor sa Comelec-Bukidnon gibutyag niini nga aduna na silay mga listahan sa mga last termer nga opisyal sa barangay.
Matud ni Baguio, nga aduna lay mga gagmay nga pangutana sa pipila nga nahimong successor sa namatay nga kapitan, kung sila ba mamahimo pang makaduso sa ilang COC.
Sigun niini nga mamahimo pa gihapong makapapili ang mga kagawad nga nahimong successor bisan ug kini ikatulo nang daug sa pagka-kagawad tungod kay wala niini nakompleto ang iyang tulo ka tuig isip usa ka kagawad.
