Mga bypass roads sa Bukidnon, pipila sa mga proyekto sa DPWH-X

21

Gipasigarbo sa Department of Public Works and Highways (DPWH)-X ang mga nahumang Bypass Roads sa probinsya sa Bukidnon diin pipila lamang sa mga proyekto nga natuman sa buhatan.

Kini ang gipadangat ni Vina Maghinay, Regional Information officer sa DPWH-X atol sa interview sa RMN DXMB Malayblay.

Sumala niya nga mas mapadali ang pagbiyahe pasulod ug gawas sa probinsya gumikan sa maong mga proyekto, mas malikayan usab ang trapik sa kadalanan sa mga siyudad.


Gisulti usab ni Maginay nga ubay-ubay pa ang mga proyektong gipatuman sa buhatan sa probinsya sa Bukidnon.

Pipila na niana ang Mangima-Agusan Canyon Bypass Road nga mudagan og 3.85KM Two-lane project. Lakip pud niana ang dalan nga magsumpay sa Bukidnon ug Agusan Del Norte nga mao ang East-West Lateral Road Project u gang Damay-Kalabugao-Adtolawon Road Project.

Samtang gikabutyag usab ni Maginay nga padayon ilang pagmugna og mga proyekto dili lang sa Bukidnon apan lakip na sa tibook Rehiyon-X.



Ang maong mga programa alayon sa “Build.Build.Build.” program sa kasamtangang administrasyong Presidente Rodrigo Duterte.

Facebook Comments