General Santos City–Pormal nang napasakaan ug kasong carnapping ang upat ka mga suspect nga silang Earl Krence Dester Oralde, 18 anyos; Jushua Wagas; 19 anyos; alyas Jan-Jan, 16 anyos, parehong nanimuyo sa Prk. San Roque, Silway Barangay Dadiangas West ug usa ka Edel Mark Pao, 18 anyos, nga nanimuyo sa Barangay Calumpang human nadakpan tungod sa pagpangarnap ug motor.
Sumala pa ni Captain Abdulsalam Mamalinta ang hepe sa Police Station 1, modus a sa maong grupo ang mucontact ug mga seller ug motor sa facebook aron ilang ikatagbo, ila dayon nga kumbinsihon ang seller nga ilang i-test drive ang motorsiklo. Higayon nga musalig na kanila ang nanag-iya ug motor-didto na nila kini isibat.
Posible matud pa nga dugay nang ginabuhat sa mga suspect ang maong modus operande ug sa area matud pa sa Gensan ug Sarangani ang operasyon sa mga nasangpit.
Sa kasamtangan nag paabot nalang usab ang kapulisan nga magpakanaug ug commitment order ang korte aron nga mabalhin na sa Gensan reformatory center ang mga suspect.(Dave Silagan)
