Boracay – Nagapanguna sa listahan rong mga taga China nga nagbisita sa isla it Boracay.
Base sa rekord it Caticlan Jetty Port nag-abot sa kabilugan nga 250, 326 rong mga Chinese nga nagbisita sa isla umpisa Enero hasta Hunyo makaron nga dag-on.
Ginasundan raya it mga taga South Korea nga may 197, 488 nga nagbisita sa isla kung sa siin sanda man ra ro nagpanguna it may pilang dag-on.
Nagapangatlo ro mga taga Taiwan nga may 14, 476; United States of America nga may 14, 305; United Kingdom nga may 8, 372; Autralia nga may 7, 074; Japan nga may 6, 506; Saudi Arabia nga may 4, 874 ag Germany nga may 4, 557.
Gina saligan pa gid nga magasaka pa rong numero it mga local ag foreign tourist nga magabisita sa isla it Boracay sa mga masunod nga binuean.
