Gipatawag ni Gobernador Bambi Emano ang tanang mga empleyado nga apektado sa pagbaha dala sa bagyong Vinta uban ang pahibalo nga hatagan sila sa calamity assistance.
Basi sa listahan, mikabat sa 75 ka mga empleyado lakip na niini ang lima ka pangulo sa nagkadaiyang departamento sa kapitolyo ang nabiktima sa baha sa lalawigan.
Madawat matud pa sa mga department heads sa kapitolyo ang calamity assistance nga nagkantidad sa 10 tawsan pesos.
Sa gihimong panagtigom sa mga miyembro sa local finance committee, gibutyag sa gobernador nga andam kining mag cash advance aron lang daling mahatag ang hinabang alang sa 75 ka mga empleyado.
Nanghinaot pa ang gobernador nga dili na masubli ang maong panghitabo ug kon abton sa kalamidad ang lalawigan, ipa-report na niini ang tanang mga empleyadong lalake ngadto sa command post aron masigurong mamonitor pag-ayo ang mga flood and landslide prone areas.
by: Lovelyrose Sambaan
