General Santos City— Hugot nga gipanghimakak sa suspek nga si Ric Silapan, 33 anyos, nga residente sa Hermosa, Sudb. Brgy. City Heights nga iyaha ang illegal nga druga nga nakuha sa kapulisan ug alegasyon niini nga planted ang maong mga ebidensya.
Pamahayag niini nga kalit nalang nga gikuha sa kapulisan ang iyahang dala nga sling bag kung asa wala kini giablihan sa iyahang atubangan. Pag-angkon niya nga kaniadto lambigit gyud siya sa illegal nga druga apan nagbag-o na matud pa siya.
Dugang pamahayag ni Silapan nga gitamnan gyud siya sa kapulisan ug druga gumikan wala man siya’y dala dihang nahitabo ang operasyon. Gihingusgan niini nga dugay na siya nga miundang sa illegal nga gimbuhataon hilabi na dihang milingkod na si Presidente Rodrigo Duterte.
Pamahayag pa niya nga daghan ang nakakita nga gipwersa siya sa kapulisan dihang gihimo ang operasyon batok kaniya.
