Boracay Island – Ginmanduan eon it Department of Environment and Natural Resources (DENR) ro mga establisyemento sa binit it baybayon kung Boracay nga maghimo it sariling sewage treatment plants.
Suno kay DENR Secretary Roy Cimatu, hugot nga igapatupad it ahensya rong presidential directive 2018-0081 ukon naga mando sa mga establisyemento nga makaangkon it sarili nandang sewage treatment facilities.
Dugang pa it sekretaryo nga pagabue on man eon ro sangka illegal pipeline nga ginapadaeagan ag ginapanag iyahan it Boracay water bangud nag eapaw raya sa 25+5 meter easement rule.
Nag abot man sa 200 ka establisyemento rong bukon it it konektado sa sewage system it Boracay water.
Base sa pagtuon it DENR, una sa 15 million liter per day (MLD) nga waste water hay kinahangean magpaidaeom sa treatment pero rong kapasidad eamang it Boracay hay una sa 12 MLD.
