Mga higko nga halin sa septic tank ag drainage sa Boracay, gin pilak sa Brgy. Tigayon

Kalibo, Aklan–Insigida nga gin usisa ko mga taga Kalibo Solid Waste Management (SWM) kaibahan ro mga taga DENR ag Brgy. Officials it Brgy. Tigayon, Kalibo matapos nga makabaton it report nga may una nga mga higko halin sa Boaracy rong ginpilak sa Sitio Guba sa nasambit nga barangay.

Sa pagpangusisa nasayuran nga nag-umpisa pa ko Nobyembre 9 ro pagpilak it mga higko ko BP Hauling Services nga ginapanag-iyahan ni Bowen Paderes.

Kapin sa 10 eon ka mga truck rong gin uea sa bakanteng man nga eogta nanday Paderes sa nasambit nga lugar.

Nasayuran nga pagahimuon kunta nga abono ni Paderes ro nasambit nga mga higko sa andang eogta.

Suno kana may disposal permit man rong DENR nga gintao kanda bago nanda ginhakot raya paadto sa Brgy. Tigayon.