Iloilo City- Ginkompirmar ni Iloilo City Police Office (ICPO) Spokesperson PSI Shella Mae Sangrines nga nagapakigbahin na ang mga lider kag mga miyembro sang gang sa mga programa sang ICPO.
Suno kay Sangrines, naga-upod ang mga ini sa medical mission, clean –up-drive , gift giving kag iban pa nga programa nga ginapatigayon sang kapulisan.
Sa pihak sini, nagapadayon sa gihapon ang pagmonitor sang kapulisan sa iban pa nga mga gang sa syudad agud mauntat na ang ila pagtuga sang gamo ilabi na sa ti-on sang kagab-ihon.
Madumduman nga madamo sang nadakpan ang kapulisan nga mga menor de edad nga nagalinagaw apisar gina-implimentar na ang curfew for minors kag nahibaluan nga mga miyembro sang gang ang iban sa mga ini nga nagatuga sang gamo.
(photo via Panay News)
