Kalibo, Aklan — Sari-sari nga tamanyo ag klase it kahoy rong na intercept it Ibajay PNP ag Bantay Kalikasan/MENRO/MDRRMO nga ginapangunahan ni LDRRMO3 Ariel Alag kahapon samtang sanda hay nagapatigayon it checkpoint sa national highway it Brgy. Poblacion, Ibajay , Aklan.
Suno kay PO1 Roga it Ibajay PNP nga na intercept rong mga kahoy nga karga sa truck halin sa syudad it Iloilo ag pagadaehon kunta sa Brgy. Caticlan, Malay, Aklan.
Sa pagpangusisa nanda ro truck hay gina maneho ni Romeo Carbon Jr, 44-anyos ag residente it Calumpang,Molo, Iloilo City ag anang pahinante nga si Jino Pementel, 28-anyos it Culasi, Antique.
Nasayuran nga nakabutang sa permit hay Mahogany ag Acacia eamang ro mga kahoy kamana man ro sukat ko kahoy hay 700 bilog nga 1x2x8 ag 200 bilog nga 2x2x8 eamang pero sa pag inventory naga guwa nga may iba pang klase it kahoy ag sari-saring tamanyo do karga.
Naga abot sa 1, 746.66 board feet tanan ro mga kahoy.
Sa makaron ro nasambit nga mga kahoy sa iga turn over sa DENR.
