General Santos City–Hugot gihapon nga gina-bantayan ang mga lugar kung asa nagpuyo ang mga covid-19 positive sa Barangay Bula.
Kini ang gibutyag ni Dexter Forro, Brgy Administrator sa Barangay Bula.
Dugang niini nga ginatutukan sa kapulisan ang implementasyon sa ECQ, MECQ ug GCQ sa managlahing purok aron masegurong dili makagawas-sulod ang bisan kinsa aron malikayan ang poisibleng pagkatag sa virus.
Dako usab ang ilahang pagpasalamat sa tabang sa mga aktibong BCCF ug iyahang ginahangyo ang kooperasyon sa tanan ug hatagan ug higayon ang gobyerno nga mahimo ang mandato.
Dugang pamahayag ni Forro nga subay sa impormasyon, nagpabiling anaa sa stable nga kondisyon ang 62 anyos nga unang nagpositibo sa ilahang Barangay nga taga Zone 7.
Gipaniguro niya nga nagpabiling on top ang Barangay Bula ug ang lokal nga panggamhanan sa dakbayan sa sitwasyon bahin niini ug nagapadayon ang ginahimo nga contact tracing.(LVR)
