Polomolok, South Cotabato–Patay ang usa ka suspek sa pagpangarnap sa motrosiklo sa 20 anyos nga batana-on nga si Ivan Nalugon, nga Unang nahitabo sa Barangay Silway 8, Polomolok sa milabay’ng semana human misukol sa kapulisan.
Giila ni Police Capt. Rommel Hitalia, Deputy Station Commander sa Polomolok PNP, ang suspek nga namatay nga si Ronald Magalino, hamtong ang pangidaron samtang ang naka-ikyas mao si alyas Tadoy Macatigil.
Alas 11 pasado matud pa sa buntag, sa dihang nakit-an sa Prk. 5, Barangay Crossing Palkan ang mga suspek sakay sa motorsiklo nga una nilang gikarnap, rason nga gipahigayonan ug operasyon.
Dugang pamahayag ni Capt. Hitalia nga notadong lambigit sa managlahing krimen sa Polomolok ang suspek nga si Magalino kung asa usa kini sa suspek sa pagpangambush kaniadto kang kanhing Barangay Rubber Kapitan Moner Kinjiyo.
Aduna usab kini mga pending nga warrant of arrest ang suspek apan naunhan kini sa operasyon kung asa misukol ug napatay sa kapulisan.
Narekober gikan sa iyahang posisyon ang pusil nga may mga buhing bala ingon man ang motorisklo sa biktimang si Ivan Nalugon nga una na nilang gipatay milabay’ng mga semana.(LVR)
