Kalibo, Aklan — Pwede nga maka file it certificate of candidacy ro mga naga aspirar sa paeaabuton nga Sangguniang Kabataan ag Barangay Election maskin nga raya hay may pending case ukon na-preso, mag-eowas eamang kon imaw hay na convict.
Raya ro ginpaathag ni Mr. Crispin Raymund Gerardo ro Public Information Officer it Comelec Aklan sa programang Straight-to-the-Point.
Pero suno kana nga dapat ro mga pumueoyo hay maging vigilante man pamatyagan rong naga asperar kung ano kabug-at ro anang kaso ay basi kon magdaog raya ag una man imaw sa katung-anan it pagpanerbisyo hay gumuwa rong final nga disisyon it ahensya kung siin imaw ginkasuhan hay maapektuhan man ro anang pagserbisyo.
Samtang sa pihak nga parte uman nga ginpadumdom ni Gerardo ro mga edad ag kung siin pwede maka botar kapareho kung 15-17 anyos hay pwede nga makaboto sa SK Candidate eamang, 18-30 anyos rong pwede makaboto sa SK ag Brgy. Candidate ag 31 anyos ro pwede makaboto sa Brgy. Candidate.
Ginpasalig man nana nga madayon gid rong SK ag Barangay Election sa maabot nga buean it Mayo.
