Matud sa Office of the City Prosecutor – Digos City nga ang maong operasyon pinaagi sa pakig-alayon sa Department of Justice (DOJ) Regional Anti-Child Online Sexual Exploitation and Trafficking Task Force XI (RACETTF XI) ug Philippine National Police, pinaagi sa Women and Children Protection Center–Mindanao Field Unit (WCPC-MFU), diin gilunsad ang entrapment operation, rescue operation, ug ang pagpatuman sa Warrant to Search, Seize, and Examine Computer Data subay sa kalapasan sa Republic Act No. 11930, nga mas nailhan nga Anti-Online Sexual Abuse or Exploitation of Children (OSAEC) and Child Sexual Abuse or Exploitation Materials (Anti-CSAEM) Act.
Nasayran nga ang maong operasyon inubanan sa tabang sa Women and Children Protection Desk sa Digos City Police Station nga nagresulta sa pagka-rescue sa mga victim-survivors ug children at risk aron masiguro ang ilang kaluwasan, proteksyon, ug gikinahanglan nga suporta; busa, sa karon, anaa na sila sa pag-atiman sa City Social Welfare and Development Office (CSWDO) sa Digos City.
Samtang, matud sa impormasyon nga nakalap sa DXDC RMN Davao, ang mga giingong suspetsado nga nasikop mao ang tulo ka mga hamtong nga miyembro sa pamilya, diin nakuhaan usab sila sa gituohang mga ilegal nga droga.
RadyoMaN Bien Abanos
