Gipakita sa lain laing grupo sa mga militante ning syudad sa Cagayan de Oro ang ilang kasuko batok sa administrasyon ni Presidente Rodrigo Duterte.
Kini pinaagi sa ilang paglabay sa pula nga pintal sa Effigy sa Presidente atol sa ilang lihok protesta kagahapon sa hapon sa Press Freedom Monument sa Misamis Oriental Provincial Capitol Ground ning syudad.
Gikondinar sa mga militante ang Administrasyon ni President Duterte, tungod sa Red October tagging, nga gipasangil batok sa mga kritiko sa gobyerno.
Matud ni Jomorito Goaynon, Chairman sa grupong Kalumbay nga walay ilang labot sa Red October kay kini ila lamang sa militar ug police.
Gipahayag usab ni Francisco Pagayaman, Chairman sa grupong Kadamay nga gipasangil sa Administrasyon ni Duterte ang Red October batok sa militant group aron dunay rason ang gobyerno nga ipadayon ang Martial law sa Mindanao.
