Kalibo, Aklan – Nag-abot sa 34 tanan rong mga nagbayolar sa gina implementar nga Comelec gun ban iya sa probinsya it Aklan.
Raya hay base sa record it Aklan Police Provincial Office (APPO) umpisa Enero 13 hasta it Mayo 13 makaron nga dag-on.
Base man sa rekord nga rong unang nadakapan nga nagbayolar kara hay si Edison Nemis nga nahabue-an it baril sa may Purok 2. C. Laserna St., Kalibo, Aklan samtang rong pinaka bag-o nga nadakapan hay ro sangka 77-anyos nga suspek sa Brgy. Sibalew, Banga nga nabue-an it kutsilyo.
Ro nasambit nga numero it mga nagbayolar hay tanan ginpasakaan it kaso pero ro iba hay na dismiss.
Samtang nagpadumdom mat-a ro kapulisan nga magabuhay pa hasta it Hunyo 12 ro implementasyon it Comelec Gun Ban sa nasyon.
Facebook Comments
