Nagalab-ot sa 2,645 ka mga kabataan edad 10-19-anyos ang nagbun-ag sa South Cotabato sang nagligad nga tuig base sa nakalap nga datos halin sa mga health facilities dire sa probinsya, suno kay Provincial Population Officer Zenaida Duron.
Sa nasambit nga numero 35 ka mga kabataan edad 10-14 –anyos ang ngbun-ag kag 2,610 ka mga kabataan edad 15-19-anyos ang narekord nga teenage birth halin Enero tubtob Disyembre sang nagligad nga tuig base sa datos sang Integrated Provincial Health Office sang South Cotabato.
Nagapanguna naman ang banwa sang T`boli sa may madamo nga kaso sang teenage birth nga may 477, Koronadal City -420, Polomolok- 344, Lake Sebu – 304, Surallah – 298, Tupi -256, Banga – 180, Norala -112, Tampakan – 96, Tantangan – 94 kag Sto. Nino – 64.
Samtang kon ang may-angot sa kaso sang teenage pregnancy sa probinsya nga nakabase ang datos sa local civil registrar suno kay Duron ang yara pa lang sa 440 halin pa lang Enero tubtob Nobyembre sang nagligad nga tuig kag padayon pa ang pagkuha sang datos sa mga LCR dire sa probinsya.
Ginpahayag man ni Duron nga sa subong nagapadayon ang ila nga mga programa batok teenage pregnancy.
Mga nagbun-ag nga kabataan edad 10 tubtob 19 – anyos sa South Cotabato, naglab-ot sa masobra 2,600 sang nagligad nga tuig.
Facebook Comments
