Wala pa sang nabaton nga special permit ang mga operators sang fast crafts para makabalik na ang ila byahe sumugud sa Hunyo 1 kun ipaidalom na sa Modified General Community Quarantine (MGCQ) ang bug-os nga Region 6.
Sa interview sang DYHB kay Frank Carbon, operator sang Weesam Express kag Chief Executive Officer sang Metro Bacolod Chamber of Commerce and Industry (MBBCI), ginpahayag sini nga wala pa sang commercial trips sang fast craft sa Lunes.
Suno kay Carbon, posible gina-istoryahan pa sang head office sang Marina ang hingyo ni Negros Occidental Governor Eugenio Jose Lacson nga ang mga locally stranded individuals (LSI) kag mga OFWs lang anay nga stranded sa Iloilo amo ang pahanugutan nga makapauli sa Negros Occidental sa una nga duha ka semana sang Hunyo.
Suno kay Carbon, nahangpan naman nila ang desisyon sang Marina.
[image: image.png]
