MGA PASAHERO SA JORDAN RORO PORT, MALABA ANG PILA.

45

Tuman ka laba sang pila kag nagaginutok ang mga pasahero sa Jordan wharf nga nagabantay sang RORO vessel nga nagadul-ong sang mga pasahero halin sa Iloilo padulong sa Guimaras.

Bangud sini, may pila ka mga pasahero ang naglain ang pamatyag kag nalipong.


Tubtub alas 7 kagab-i (Agosto 12) , masobra pa sa 4 ka libo ka pasahero ang nagahulat sa Jordan wharf agud makasakay sa RORO vessel.

Ginpahayag ni Governor Samuel Gumarin nga nagsulat na siya kay Presidente Rodrigo Duterte nga pasugtan na nga makabalik sa pagbiyahe ang mga pumpboat agud masolbar ang nasambit nga problema.

Magluwas sa kagutok kag pagdinaguso sang mga pasahero, ginakabalak-an man sang gobernador ang ka-mahal sang plete sa RORO kag fast craft nga dugang nga huol sa mga pumuluyo sang Guimaras.

Nahibaluan nga nagalab-ot sa 75 pesos ang plete sa roro samtang 15 pesos lamang sa pumpboat.

Facebook Comments

From Advertisers