General Santos City–Mukabat sa 15 ka mga personnel sa Philippine Drug Enforcement Agency (PDEA) Regional Office -12, nga nagserbisyo sa maong buhatan ug 10 ka tuig ang gihatagan ug pasidungog kagahapong adlawa, October 1, 2018 atol sa ilang flag raising ceremony nga gipahigayon sa PDEA Regional Office Grounds.
Gipangunahan ni OIC Naravy Duquiatan uban ang tulo pa ka tag-as nga opisyal sa PDEA RO-12 ang ceremonial tribute ngadto sa mga awardees nga gilangkuban ug mga anti-narcotic Agents. Gawas sa P10,000.00 nga cash incentive nga gihatag sa mga nahisgutan, gihatagan usab sila ug Loyalty pin ingon man Certificate of Recognition.
Nasayran nga kini ang pinakaunang higayon nga naghatag ang PDEA-12 ug loyalty rewards ngadto sa mga deserving nga drug busters. Nasayran usab nga niadtong September 6, 2018 dihang gipangunahan usab ni Director General Aaron Aquino ang recognition ceremony ngadto sa mga awardees sa PDEA National Headquarters.
Ang maong aktibidad ang alayon ngadto sa Civil Service Commission MC 06 series of 2002 or revised Policies on the Grant of Loyalty Award.
Ang loyalty incentive ginahatag ngadto sa mga empleyado nga nagserbisyo sa mga buhatan sa gobyertno nga sulod sa napulo ka tuig o musubra pa. Ang recipient makadawat ug cash bonus nga P1,000.00 matag tuig subay na usab sa CSC policies ug availability sa pundo.
