Ginpasiguro sang Police Regional Office 6 nga gina-asikaso sang maayo ang mga pulis nga napilasan sa ambush kagab-i sa Sitio Camansi, Barangay Bolo, Maasin.
Ginpahayag ni PRO-6 Spokesman Supt. Gilbert Gorero nga tanan nga ospital nga gindal-an sang mga pilason nga pulis ang ginlibot sang mga opisyal sang pro-6 agud masiguro nga matatap sang maayo ang ila mga tinawo.
Magluwas sa Financial assistance sa pagpabulong sang mga napilasan nga mga pulis nga igahatag sang PRO-6, nagahingyo man ang liderato sang kapulisan sang hugot nga pangamuyo sang publiko para sa madasig nga pag-ayo sang mga ini.
Samtang, ginpat-od man ni Gorero nga sa ginahimo nga pag-atake sang mga NPA, handa ang kapulisan sa pagpangapin sang konstitusyon kag sa mga pumuluyo batuk sa mga terorista .
