Davao City – Nagpahigayon og inspeksyon ug koordinasyon ang Davao City Police Office (DCPO) sa mga dagkong sementeryo sa Davao City isip pagpangandam sa umaabot nga UNDAS 2026.
Gipangunahan ni PCOL Peter Bauzon Madria, City Director sa DCPO, kauban sila ni PMAJ Philip Dave A. Uddin, hepe sa Police Station 16-Maa, ug PLT Mark Ferd A. Barte, deputy station commander sa Police Station 2-San Pedro, ang maong kalihukan, Oktubre 26, 2026.
Tumong niini nga maseguro nga andam ang mga security measures sa mga sementeryo alang sa kaluwasan ug kahapsay sa publiko atol sa paghinumdom sa mga namatay panahon sa UNDAS.
Pinaagi sa maong pagpangandam, gipasiugda sa DCPO ang ilang paningkamot nga mapadayon ang kalinaw ug kahapsay sa siyudad alang sa mga mobisita sa mga sementeryo.
RadyoMaN Kareen Beltran
Facebook Comments
