Mianhi sa siyudad si Ambassador McIntosh aron motambong sa unang Mindanao Indigenous Peoples Trade Expo (MIPTEX) nga gipahigayon gikan Oktubre 26 hangtod 30 sa Poblacion Market Central.
Gipangunahan sa gobyerno sa New Zealand, kauban ang Department of Trade and Industry ug National Commission on Indigenous Peoples, ang maong kalihokan aron mapalambo ang negosyo ug panginabuhian sa IPs.
Gipasalig sa Davao City ug New Zealand ang pagpalig-on sa kooperasyon sa agrikultura, edukasyon, ekonomiya ug negosyo sa mga IP.
Gipasalamatan usab sa siyudad ang tabang sa New Zealand sa Bahayahay Center sa Paquibato, nga nagtudlo sa mga kababayen-ang Ata sa paghimo og tradisyonal nga produkto alang sa ilang panginabuhian ug pagpreserbar sa kultura.
RadyoMaN Kareen Beltran
