Davao City- Mutago, muhilak, ug mangamuyo nalang ang mabuhat sa tanang apektado sa kasamtangang gyera karon sa Israel tali Hamas nga nagsugod niadtong October 7, 2023.
Sa interview sa DXDC RMN Davao kang MariaLiza Gade, iyang gibutyag nga wala na’y kabutangan ang iyang kaguol ug permi nalang siya magkurog sa matag tingog sa siren ug mga pagbuto sa mga bomba ug pusil.
Dugang pa niya nga mas grabe ang gubot karong tuiga kung itandi sa nakalabay nga gyera tungod karon, dili nalang bomba ang ginakahadlokan kung dili lakip na ang mga teroristang manulod sa panimalay ug mamusil na og mga sibilyan.
Sa kasamtangan, libuan na ang natalang patay ug samdan lakip na pipila ka mga bata maong panghinaut sa mga apektado ilabi na sa mga OFW nga mahuman na ang maong kasamok aron mabalik na sa normal ang tanan lakip na ang panginabuhian ug aron usab wala na’y kinabuhi pa ang makalas.
RadyoMaN Ivy Parido
Facebook Comments
