Kalibo, Aklan – Maga hiwat it 15 diyas nga Mandarin Language Training rong Department of Tourism (DOT) Region 6 kaibahan ro Aklan Provincial Government paagi man sa Aklan Provincial Tourism Office (APTO) para sa mga Tourism Frontliners it Aklan.
Ro nasambit nga training hay libre nga ginatao it DOT para sa mga maga partisipar, bilang isaeang ka inisyatibo para ma improbar ro talent it mga naga serbisyo sa turismo bilang sangka tourism destination nga probinsya.
Maga umpisa ro nasambit nga training sa Abril 16 hasta 20, Abril 30 hasta Mayo 4 ag Mayo 7 hasta 11, 2018, alas 8:00 ro agahon hasta alas 12:00 ro udtru adlaw sa datin nga session it Sangguniang Panlalawigan, Capitol Site, Kalibo, Aklan.
Ro mga partisipantes it raying training hay magahalin sa sari-saring nga sekta it turismo pareho it hotel accommodation, transport operators, tour guides, airport ag jetty ports, ag mga institusyon it eskwelahan nga nagatao it kurso sa turismo.
