Gituldokan na ni Misamis Oriental Governor Yevgeny Emano ang isyu kabahin sa mid-year bonus sa mga empleyado nga wala ma-release sa kapitolyo.
Kini tungod sa mga rason nga nakita sa gobernador.
Una mao pagreklamo sa mga empleyado nga daghan ang ilang trabaho bisan gipatas-an na sa tulo ngadto sa upat ka porsyento ang ilang sweldo.
Ikaduha mao ang pagreklamo sa pipila nga idungan nalang sa Disyembre ang paghatag sa bonus.
“Naningkamot gyud me nga dili ma delayed priority ang sweldo, walay cash advances gikan sa gobernador, tanan cash advance gabasahon man gani panahon sa flag ceremony para gyud dunay katin-awan”, pahayag sa gobernador.
Ikatulong rason nga nakita sa gobernador mao ang pagsaba-saba sa mga empleyadong nakabaligya na sa ilang mid-year bonus hinungdan sa ilang pagka-pressure.
Ikaupat nga rason nga nakita sa opisyal mao ang lakang nga gihimo sa Sangguniang Panlalawigan nga ipatubag ang local finance committee nganung wala ma-release ang bonus sa mga empleyado.
Alayon niini, gimando sa gobernador ngadto kang Jail Warden Dominador Tagarda ang pagdakop sa mga loan sharks aron siya na mismo ang mopasaka og kaso.
