Nibakwit gikan sa Barangay Sta. Felomina lungsod sa Quezon, Bukidnon ang anaa sa 15 ka pamilya o anaa sa 76 ka indibdiwal nga mga lumad.
Sa interview sa RMN Malaybalay ngadto kang Ulmo Antogon, ang Chairman sa Kaugalingong Sistema Igpapasindog to Lumadnong Ogpaan kon Kasilo Quezon Chapter gibutyag niini nga ang mao nga mga nagbakwit gikan lang sa usa ka barangay.
Gi-akusahan ni Antogon ang militar nga pugos sila nga gipa-surender samtang atoa sila sa ilang barangay maoy hinungdan nga nibakwit sila.
Gipamugos niini nga dili sila mutahan tungod kay dili sila mga miyembro sa New Peoples Army kon NPA maong magkampuhan sila sa Capitolyo Probinsyal dinhi sa Malaybalay.
Samtang sa interview sa RMN Malaybalay ngadto kang Cpt. Ryan Layug, ang Civil Military Operations Officer ug spokesperson sa 403rd Infantry Brigade, Philippine Army gibutyag niini nga walay rason aron pugson sila sa pagtahan sa kasundaluhan.
Gibulgar usab ni Cpt. Layug nga ang Sta. Felomina, Quezon usa ka NPA influenced area nga adunay gitawag nga politiko military structure sa mao mao nga barangay nga gi-organisa sa mga NPA diin gitukod kini isip mass based o masa aron musukol batok sa gobyerno.
