Pasado las 9 sang gab-i, Septyembre 4, sang ginsulod sang wala makilal-an nga armado ang gina-dayunan nga puluy-an sang 2 ka biktima nga lalaki nga gin-luthang patay sa Purok Hayahay, Barangay Calindagan, Dumaguete City, Negros Oriental.
Ginkilala ang mga biktima nga sanday, Lori de Jesus, isa ka military informant sang MIG7 kag residente sang Brgy. Daro kag Mark Anthony Booc, residente sang Lower Lukewright, Poblacion 1, tanan lunsay legal ang edad sang Dumaguete City, Negros Oriental.
Sa imbestigasyon sang kapulisan, ang duha ang yara sa puluy-an sang ila nga amigo sang ginsulod sang wala makilal-an nga suspek kag hinali nga ginluthang ang duha ka biktima nga gintunaan sang ila hinali nga kamatayon bangud sa fatal nga igo sa ila nga lawas.
Nakita sa eksena sang insidente ang bala kag basiyo sang cal. 45 nga armas, sachet sang shabu kag drug paraphernalia.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
