Nasabtan ni Gov. Bambi Emano nga naglisod ang pipila ka Misamisnon human gisuspende ang programang Mis.OrCares.
Kini ang reaskyon sa gobernador dihang nakita niini ang pipila ka residente sa Gingoog City nga nagdala og mga karatola diin dunay nakasulat nga Mis.OrCares, Ibalik na.
Gibutyag sa gobernador nga ila pang gisuta kung hangtud kanus-a taman ang serbisyo sa Universal Health Care Law ayha sila mangita og paagi kung unsaon nga dili ma-duplicate ang mga serbisyong itanyag sa katawhan aron dili masayang ang pondo sa lalawigan.
Giklaro pa sa gobernador nga sa karon mamahimong modool una sa mga LGU ang katawhan.
Nanghinaot pa kini nga mohatag og serbisyo ang mga tawong mibatikos kaniya sa milabayng eleksyon kinsa mitawag sa MisOrCare og MisOrKill.
