Miyembro sang CTG patay sa engkwentro sa Palimbang, Sultan Kudarat.

23
Patay ang miyembro sang communist terrorist group sa nagluntad nga engkwentro, samtang nagapatigayon sang combat clearing operations ang tropa sang 57th Infantry Batallion sa Barangay Tibuhol, Palimbang, Sultan Kudarat.
Naengkwentro sang tropa ang yara sa lima ka mga miyembro sang communist terrorist group nga nagpalagyo sa mga nagkalain-lain nga direksyon.
Apang nadiskubrihan sang operating troops ang patay nga lawas sang miyembro sang terorista nga grupo.
Narekober naman sa lugar ang mga assorted war materials lakip na ang isa ka cal. 30 M1 Garand rifle, mga bala kag iban pa.
Samtang halin Enero subong nga tuig yara na sa 44 ka mga miyembro sang communist terrorist group ang naneutralized sang Joint Task Force Central kag sa nasambit nga numero lima ang napatay kag 39 ang nagsurender.
May-angot sini, gindayaw ni Lt. Gen. Alfredo Rosario, Jr., Commander sang Western Mindanao Command ang tropa sa ila pagtinguhaa nga tapuson ang terosismo kag insurhensya sa ila area of operations.
Ginahangkat man ni LT. Gen Rosario ang nabilin pa nga miyembro sang terorista nga grupo nga magsurender na.
Facebook Comments