Nakateana nga ipaidaeom sa Public hearing sa September 28 ro pagbawae sa operasyon it model aircraft, drones, kites ag balloons sa area it Kalibo International Airport (KIA).
Sa session it Sangguniang Bayan kung Kalibo kahapon ging talakay ro Proposed Draft Ordinance No. 019 ni SB Cynthia Dela Cruz nga imaw ro sponsor kara ag ro co-sponsor nga si SB Juris Sucro.
Do nasambit nga ordinansa hay sensitibo rason nga ging refer daya sa Committee on Laws ag Committee on Transportation para sa igataeana nga hearing ag imbitado kara do mga ibang concerned agencies.
Suno kay SB Dela Cruz, kung daya hay maaprobahan may una kara nga nakataeana nga penalidad sa mga madakpan nga maga eapas sa raya nga laye.
Do penalidad sa first offense hay P500, second offense P1, 000 ag ro 3rd offense hay P2, 500 nga ro mga magadakop hay ro mga miyembro it CAAP, Philippine National Police ag ro Municipal Auxiliary Police (MAP) samtang do kwarta nga masukot sa madakpan hay maagto man sa Treasury it LGU Kalibo.
Kaangot kara igadugang sa paga-istoryahan do naunang Proposed Draft Ordinance kung siin gina bawae do pagpaeopad it mga salampati sa nasambit man nga lugar.
