Bangod sa amat-amat nga pagbangon ko Marawi City tuga it giyera sa tunga it Maute ISIS group ag tropa it gobyerno may mga tawo nga ginagamit raya sa pagpanloko.
Sa ging paguwa nga Advisory it Department of Interior and Local Government Unit (DILG) gina paandaman kara do tanan nga pumueoyo nga maghaeong sa mga tawo nga nagapakuno-kuno nga sanda hay OIC it DILG o Staff nga under sa raya nga ahensya.
Himo suno it daya nga modus nga mag-text sa anda nga biktimahon ag naga pangayo it donasyon ag ihueog sa remittance center kung kumagat do anda nga mabiktima.
Ro bangdanan ko mga manogloko hay para sa rehabilitasyon kung Marawi City agod makabangon sanda sa sobra tatlong buean nga giyera.
Bangod kara nagpaandam do DILG sa mga makabaton it tawag o text halin sa mga nagapanguno-kunong tawohan it DILG nga i-report eagi daya sa mga police station ag sa andang opisina agod nga mapondo eon do andang gina himong pagpanloko.
