Boracay – Nagapadayon makaron rong imbestigasyon it Malay PNP angot sa sangka money changer nga gina alegar nahasalisihan it kapin 2.5 milyon pesos kahapon sa isla it Boracay.
Base sa insiyal nga imbestigasyon it mga kapulisan naga guwa nga gin-aywan ko biktima ag empleyado it money changer nga si Nico Jun Caagbay, 26-anyos ag taga Sitio Manggayad, Balabag, Malay ro anang backpack sa nasambit nga money changer agod nga mag CR.
Bago raya magpanaw ag ginasararo ro money changer hay ginbilin pa nana sa sales lady it kaiping nga tindahan. Nakibot eamang raya sa anang pagbalik nga uwa eon ro nasambitan nga bag nga may sueod nga kwarta ag ginapanag-iyahan raya ko live-in partner it anang manghod.
Sa pag-usisa, nasayuran nga kaibahan man sa mga naduea rong passbook, checkbook it anang manghod, P 170,000.00 pesos nga cash nga nakabutang sa counterag cellpone it biktima.
Samtang sa pag review it mga CCTV footages sa lugar, nakita rong sangka eaeaki nga naka jacket it itom nga may hood ag may daeang backpack nga itom kung sa siin positibo nga gin identify it biktima.
