Roxas City, Capiz- Nagpatigayon kahapon sang giftgiving activity ang mga katapo sang Mother Ignacia Movement sa mga detainees sa Roxas City PNP.
Kalakip sa mga ginpanagtag sang mga ini amo ang mga toiletress kaangay sang sabon, shampoo, toothpaste toothbrush kag may yara man sang mga biscuits.
May ginpanagtag man ang mga ini nga food packs sa mga detainees.
Ginpahayag ni Liza Ramos, nahisugtan nila nga sa baylo magapatigayon sang Christmas party, magaamot-amot na lamang sila kag amo ang igapanagtag para sa giftgiving.
Ginsiling sini dugang nga may yara pa sila sang naka-schedule nga mga outreach programs.
Samtang ginkalipay naman kag ginpasalamatan sang hepe sang Roxas City PNP nga si Lt Col. Ricardo Jomuad Jr. ang amo nga dalayawon nga hilimuon.
