General Santos City—Patay ang usa ka motorista human kining mabangga sa may National Highway, Purok 8, Crossing Ripolio, Barangay Sulit, Polomolok niadtong nakalabayng adlaw.
Giila ang biktima nga si Silvestre Barogo Jr., 38, residente sa Barangay Polonuling, Tupi.
Basi sa report sa Polomolok PNP, sakay ang biktima sa iyang motorsiko gikan sa Barangay Poblacion, Polomolok ug pauli na unta sa ilang panimalay sakay sa iyang motorsiklo apan walay swerti nga nakatamak ug bato ang ligid sa motor sa biktima hinungdan nga kini nabalintong.
Gikaingomng naguyod pa ang biktima sa iyang mtoorsiklo hinungdan nga nakaangkon kini ug grabeng samad. Paspas kining gidala sa ospital apan gideklara kining dead on arrival.
Sa karon nagpadayon pa ang gihimong imbistigasyon kalabutan sa maong insidenti.
