Numancia, Aklan — Padayon makaron nga gibueong sa hospital rong daywa ka mga sakay it motorsiklo matapos nga sumunggab sa bus nga andang kasubeang sa may Brgy. Laguinbanua East, Numancia, Aklan kabii.
Ro mga sakay it motorskilo hay nakilaea nga sanday Erick Malacas, 51-anyos, driver ag nakaangkon it lastro sa ueo ag ibang parte it eawas, ag si Keneth Erenea, 37-anyos, backrider, ag nakaangkon man it mga lastro sa eawas ag tanan residente it it Brgy. Pusiw sa nasambit nga banwa.
Sa imbestigasyon it Numancia PNP nga kabii samtang ro Southwest Bus nga gina maneho ni Jomari Renton, 33-anyos ag residente it Poblacion, Balete hay naga biyahe paadto it Caticlan hay sinunggaban ko nasambit nga motorsiklo.
Una pa eang hay nakita eon nga naga ekis-ekis rong motorsiklo paadto man sa direksyon it Kalibo pero gin iwasan raya it bus ugaling kung siin umiwas ro bus hay idto man naadto ro motorsiklo rason nga nagkasunggaban.
Nasayuran nga una sa impluwensya it makahililong nga ilimnon rong mga biktima tag matabo ro aksidente.
May nakataeana man nga komprontasyon sa magtimbang nga parte hinduna.
