Boracay Island — Kapin sa 20 milyon rong danyos nga gintuga it sunog kabii sa may Sitio Din-iwid, Brgy. Balabag, Boracay, Malay, Aklan.
Ro nasambit nga resort hay ro Nami Resort nga ginasugid sa andang kitchen nag halin rong kaeayo nga tumupok kara.
Umabot it kapin sa tatlong oras ro nasambit nga sunog bago raya matapna.
Nasayuran nga nahamtang sa mabukid nga parte rong nasambit nga resort kung sa siin nalisdan ro mga bombero nga mapasaka ro andang fire truck dahil sa mabato ag mabaskog rong hangin rason nga madasig nag eapta rong kaeayo.
Sa makaron hay padayon pa rong imbestigasyon it arson investigator kung BFP Boracay para nga matumod kung ano rong dahilan it sunog ag kung posible magataas pa rong balor ko nasambit nga danyos.
Facebook Comments
