Boracay, Island — Nakataeana nga maga abot sa isla it Boracay rong cruise ship nga MS World Dream sa Nobyembre 22, 2017.
Bangud kara nagpatigayon eon it meeting rong Caticlan Jetty Port para sa preparasyon ag sa igaplastar nga siguridad para igapatigayon nga maiden call.
Raya rong ika 11 nga cruise ship nga magabisita sa isla it Boracay makaron nga dag-on kung sa siin sakay na kara rong 4,000 nga mga pasahero ag 1,900 ka mga crew ag gina eauman nga maga abot ala 7:30 it agahon ag magabuhay hasta 4:30 it hapon.
Nasayuran nga raya man ron kauna unahan nga pagbisita it nasambit nga barko rason nga may pagahimuon nga sangka programa ag exchange of plaques.
Samtang maga abot man sa isla rong MS Millenium sa Nobyembre 21 kung sa siin raya rong ikaywang beses nga nag bisita raya sa isla.
Lima pa ka mga cruise ship rong gina saligan nga magaabot sa isla bago matapos rong dag-on ngara.
