Sangka Asian cruise ship ro magadungga sa isla it Boracay makaron nga maabot nga Miyerkules August 30, 2017 suno sa Department of Tourism (DOT) Boracay.
Do dayang barko hay gina eaoman nga magadaea it 3,400 visitors ag 2,000 crew members sa sikat nga isla it Boracay.
Maabot do nasambit nga cruise ship alas-7 it agahon ag magabuhay iot waeong oras hasta it alas-4 it hapon kung siin maga diristo man sanda sa andang masunod nga destinasyon.
Bangod kara ro Jetty Port Administration sa pagpanguna ni Niven Maquirang ro Jetty Port Administrator hay nagpatawag eon it meeting kaibahan do mga concern agencies para sa pagpahaom ko pag-abot ko barko nga first time paeang magabisita sa isla.
Samtang plantsado eonman do itinerary ko mga sakay nga turista pati ro Ati group nga maga-perform sa pag-abot it mga turista.
Do MV Genting Dream hay pila eamang sa maabong cruise ship nga naga bisita sa isla it Boracay daea ro mga libo-libong mga turista halin sa naga kasari-sari nga nasyon.
