Numancia, Aklan – Arestado ko mga katapo it Numancia PNP rong sangka eaeaki matapos nga maaktuhang nagapataya it illegal nga ending kahapon it hapon.
Rong suspek nakilaea kay Zaldy Merin, sa legal nga pang edaron ag residente it Brgy. Albasan, Numancia.
Sa report it Numancia PNP nga naaresto si Merin matapos nga maaktuhang nagapataya pinaagi sa pag gamit it andang asset.
Nabuoe kay Merin ron P50.00 pesos nga marked money, P1,500 nga cash collection, 4 pcs ka mga ending card ag papel nga naga serbeng resibo ko mga nagataya.
Detained rong suspek sa lock up cell it Numancia PNP ang magapangatubang it kasong pagbayolar sa Presidential Decree 1602 as amended by R.A. 9287 ukon illegal gambling.
Facebook Comments
