Patay ang isa ka bana matapos maghikog samtang naga-videocall sa iya asawa nga ato didto sa Malaysia.
Dead on arrival sa Barotac Viejo District Hospital ang biktima nga ginkilala kay Renel Basultin, 32 anyos sang sitio Tarug, Barangay Sto. Tomas, Barotac Viejo, Iloilo.
Alas 12 sang udto kahapon sang ginkadtuan sang iya mga utod ang biktima sa ginaistaran sini nga payag matapos ginpahibalo sila sang asawa sini nga naghikog ang biktima pinaagi sa pagbitay sang iya kaugalingon.
Subong man, wala na sang kabuhi sang maabtan nila ang biktima kag gindala pa sa ospital kon sa diin gindeklarar ini nga DOA.
Base sa pahayag sang utod sang biktima nga naga-video call ini sa iya asawa kon sa diin ginpahibalo siya sini nga wala na ini naluyag sa iya.
Sa kalain sang buot, nagkuha sang pisi ang biktima kag samtang naga-video call sa iya asawa, nagbitay ini sa balayan sang iya payag nga gintunaan sang iya kamatayon.
` Mismo ang asawa pa sini ang nagpahibalo sa iya mga utod nga kadtuan ini bangud sa iya paghikog.
