General Santos City—hangtod sa kasamtangan blangko pa gihapon ang Police Station 5 sa ilhanan sa suspek nga nagpabuto ug eksplosibo gawas nga bahin sa usa ka imnanan sa may National Highway, Barangay Calumpang nga gikasamad sa upat ka mga biktima.
Sumala ni Police Sr. Inspector Dominador Soliva, Deputy Chief Of Police sa Police Station 5 nga hangtod sa kasamtangan wala pa nila masuta kinsay responsabli sa pagpanglabay ug eksplosibo sa lugar.
Sa koron blangko pa usab sila unsay motibo niini ug si kinsa gyud ang target sa pagbusikad.
Wala usab gikumperma ni PSI Dominador Soliva kung ang miyembro ba gyud sa Chirldren in Conflict With The Law (CICL) o mas naila sa tawag nga āBatang Sukarapā maoy responsabli sa pagbalay ug eksplosibo, kini gumikan wala may derektang testigo nga makatudlo kinsay nag-itsa niini.
Sa karon ginasuta pa sa kapulisan kung adunay mga nakainstall nga CCTV sa palibot sa crime scene sa pamasin nga makakuha silag footage kalabutan sa insidenti.
Samtang ginakumperma pa sa Explosive Ordnance Division kung unsay matang sa eksplosibo ang mibuto sa maong lugar.
