BACOLOD CITY – Nabiktima man sang pagpanghold-up ang duha ka mga kalalakihan sa separado nga insidente nga natabo sini gid lamang nga kaagahon diri sa ciudad sang Bacolod.
Una nga biktima nakilala kay Wendel Tormes, 43 anyos ang edad, pumuluyo sang Brgy. Handumanan.
Suno sa biktima may mga las 4 sini gid lamang na kaagahon, ini siya ang nagpadulong sa Spider nga ilimnan sa Rosario Street diri sa ciudad sang Bacolod kag nag-table sang isa ka chicks.
Pahayag sang biktima nga sang ini siya ang nag-gwa na, hinali na lamang ini nga gintayaan sang kutsilyo sang wala makilala anga suspek nga nagdeklarar sang hold-up kag ginkuha ang iya kwarta nga balor P3,000 pesos.
Samtang, sa amo man nga mga inoras sa Brgy. 16, Bacolod City, ginhold-up man sang riding in tandem ang isa ka manager sang isa ka fast food chain.
Ginkilala ang biktima nga si Jessie Monahan, 26 anyos ang edad, tumandok sang Victorias City kag temporaryo naga-istar sa Brgy. 16.
Suno sa biiktima nga pasado las 4 sini nga kaagahon samtang ini ang nagalakat sa ila lugar sa Brgy. 16, ini siya ang gindulugan sang riding in tandem kag hinali na lamang nga ginhold-up.
Nakuha sa biktima ang iya cellphone nga naga-balor P19,000 pesos./dyHB BACOLOD
