TACLOBAN CITY – Ginpusil patay an usa nga nanay samtang kapot niya an iya 1 year old nga anak ha Brgy. Tinambakan District, Manahog ha Calbayog City, Samar.
Sumala kan PNP Provincial Director PSSupt. Nicholas Torre, ginkilala an biktima nga hi Maria Jessebel Igrubay, 40 anyos.
Ginkilala naman an suspek nga hi Robin Jackson, 47 anyos ngan usa nga fish vendor.
Subay hiton imbistigasyon han mga otoridad, nanmamahaw ha karenderia hi Igrubay kapot an iya anak han daupon hiya han suspek ngan nagdebate hira nga duha. Kumadto an suspek nga hi Jackson ha ira panimalay ngan ha pagbalik hini ha karenderia tigda nala ginpusil an biktima.
Sumala kan Torre, diri hiya maaram kun kaya ano mag isog it mga taga Calbayog.
“Parang sobrang tapang naman ng mga tao na ito, may mga baril. That’s why tuloy-tuloy ang ating pag apply ng mga search warrant, panghuhuli at pagcheck point sa mga may dala-dalang illegal na baril at marami tayong nakukuhang baril.”
*Sumala kan Torre, naigo an 1year old nga bata ha kamot ngan igindara dayon ha* hospital ngan ha pagka yana, stable na an kabutang hini.
Arestado naman an suspek ngan maatubang ha mga kaso nga murder ngan frustrated murder. Paslak na hiya yana ha Calbayog City Police Station.
