Kalibo Aklan — Naging positibo rong resulta ko ginpatigayon nga Annual Inspection, Management Audit and Monitoring it NAPOLCOM REGIONAL OFFICE 6 sa Kalibo Municipal Police Station kaina.
Suno kay Inspector Romel A. Sta. Ana sambilog sa nag conduct it inspection sa mga personnel it Kalibo Municipal Police Station, nga rong katuyuan it inspection hay para ma check kun naga duty sanda it insakto ag kun na implement nanda do Police Operational Procedure (POP) ag kamana man do mga logistics it mga personnel it nasambitan nga Police Station kapareho it anda nga firearms ag patrol kun sa siin kinahangeanon gid sa anda nga operation.
Gin usisa man ro mga ATM Card it mga personnel para nga masigurado nga buyot nanda raya.
Mag euwas sa Kalibo Pnp Station, nag patigayon man it Inspection rong NAPOLCOM REGIONAL OFFICE 6 sa New Washington Municipal Police Station nga gin dayaw gid ni Inspector Sta. Ana bangod nga nakita nana nga may mga acomplishments sanda kapareho it pag confiscate it mga ginalong gasolina nga illegal nga nabaligya sa New Washington nga uwa it nagakaigo nga permit.
Dugang pa nana nga manami rong performance it New Washinton Municipal Police Station.
Ro nasambitan nga inspection hay magabuhay it sang dominggo iya sa probisya it Aklan ag mga maeapit nga Police Station sa parte it Antique nga naeakipan it tatlo nga ka Team para mag patigayon it Inspection.
Dugang na pa kara nga ro NAPOLCOM REGIONAL OFFICE 6 sa pag panguna ni Regional Director Atty. Joseph Celis hay bukas sa kung ano man nga concern o reklamo kuntra sa mga personnel it PNP para mataw-an it nagakaigo nga imbistigasyon.
