Misalmot sa Nationwide Simultaneous Bomb Drill ang kapulisan sa Malaybalay City nga gipanguluhan ni PLTCOL. Ritchie Anoy Salva, Chief of Police kagahapong adlawa nga gipahigayon didto sa Carbajal St. Brgy. 8, Malaybalay City, Bukidnon.
Kini isip pagsusi sa preparasyon ug kaandaman sa kapulisan kung ugaling adunay mga hulga sa terorismo sama sa pagtanom og mga bomba.
Sumala ni PLTCOL. Salva importante kaayo ang pagpangandam sa mga hulga sa terorismo aron nga malikayan ang dili ginadahum nga panghitabo.
Mapasaligon si Salva nga preparado gayud ang kapulisan sa Malaybalay City gikan sa mga nagkadaiyang ahensiya sa otoridad.
Gipahigayon sa tibook Pilipinas ang maong simultaneous bomb drill nga gisugdan sa nagkadaiyang rehiyon ug pili nga mga banay sa kapulisan sa tibook nasud.
