BACOLOD CITY – Nagahilibion ang isa ka lalaki matapos ginkawat ang iya cellphone bangud natulugan ini sa sulod sang Bacolod City Public Plaza pasado las 4 kaina sang kaagahon.
Nakilala ang biktima nga si Anthony Ramos, 36 anyos ang edad, pumuluyo sang Purok Arao, Brgy. Vista Alegre, ciudad sang Bacolod kag naga-trabaho sa isa ka kalan-an.
Suno sa biktima nga ini siya ang nagkadto sa plaza matapos nakabaton sang text message halin sa iya nobya nga agi nga hulaton siya sini didto.
Ginpahayag sang biktima nga durante naga pungko, may nagtupad sa iya nga isa ka lalaki nga sa iya pagpati, isa ka “callboy.”
Bangud sang katuyo, suno sa biktima, ini siya ang natulugan kag daku na lamang ang iya kakibot nga sang iya pagbugtaw, nadula na ang iya cellphone nga nagabalor kapin P5,000 pesos.
Nagpudag-pudag gid sang hilibion ang biktima bangud nga ang amo nga cellphone ang indi iya kundi ginhulam gid lamang niya sa iya nga utod.
Nagapati ang biktima nga ang suspek nga nagkuha sang iya telepono amo ang callboy nga nagtupad sa iya./dyHB BACOLOD
