General Santos City–Gikabutyag karon ni Atty. Regner Penesa ang labaw sa National Bureau of Investigation Sarangani District Office nga sa karon wala pa sila naka dawat ug kamanduan gikan sa ilahang head office kabahin na sa pag pasirado ug pag pahigayon ug imbistigasyon sa unsa mang investment scheme sa syudad.
Sumala pa niini nga sa social media lang usab niini nakita ang nahimong pamahayag ni Presidente Duterte nga nagamando sa tanang investigating body sa gobyerno partikular na ang NBI ug CIDG nga imbistigahan ug ipasira ang mga investment scheme nga nanggawas karon.
Dugang pa niini nga sa karon wala usab siyay ideya kung unsa ang mamahimong basihan sa pag pasira sa maong mga investment scheme kung walay reklamante. (Dave Silagan)
Facebook Comments
