General Santos City–Gibutyag ni Gensan City Mayor Ronnel Rivera nga nagpabiling kinahanglan sa mga pasaherong gikan sa nagkadaiyang lugar sa nasud nga buot mouli o mahidangat sa Gensan ang negatibong resulta sa swab test o dili ba kaha antigen sulod sa 72 oras ayha ang ilahang departure.
Nasayran nga sa hisgutanang commercial flight, adunay 12 ka flight matag semana, unom matag adlawāng Martes, ug unom matag adlawāng Huwebes. Tungod niini, gilauman nga daghan na gyud ang mosulod sa Gensan gumikan abli na ang Commercial Flight.
Pagpaklaro niya nga susama gihapon nga protocol ang ipatuman sa tanang sakay sa commercial flight.
Samtang sa hisgutanang implementasyon sa executive order 49 sa dakbayan hilabina nga gi-ablihan na ang border pasulod sa syudad maayu matud pa ang dagan sa pagpatuman niini.
Dugang sa Mayor nga siya nanghinaot lang nga magpabilin tumanon sa katawhan ang tanang guidelines nga gina-implementar sama sa pagsul-ob ug face mask, face shield ug social distancing.(LVR)
