Davao City – Arestado sa gipahigayong random checkpoint sa kapulisan sa Talomo ang suspek nga mao si Jemmar Endo, 30 anyos, ulitawo, negosyante, nagpuyo sa Green Orchard Village, Cabantian, Buhangin, Davao City, human makumpiskahi og illegal drugs sulod sa gimanehong sakyanan.
Sa blotter sa Talomo PNP, naglusad og checkpoint ang kapulisan sa Matina Apalya ug nakita ang transparent plastic sachet sa dashboard sa multi cab nga gimaneho sa suspetsado.
Sa dihang gisita sa mga pulis kalit nga gilabay sa suspek ang plastic sachet sa flooring sa iyang sakyanan.
Gimandoan ang suspek nga mokanaog sa iyang sakyanan ug nadiskubrehan sa mga pulis ang mga assorted transparent plastic sachet nga gituhuang shabu sa dihang gihimo ang rekisa.
Kasong kalapasan sa RA 9165 kun Comprehensive Dangerous Drugs Act of 2002 ang ipasaka karong adlawa sa nga pulis batok sa dinakpan ngadto sa City Prosecutions Office.
RadyoMaN Erin Lumosbog
